الرئيسية
ازيكم
ما رح اطول عليكم بدي ابلش على طول
بسم الله
أول شي بنجيب بكيت بسكوت شاي
بنطحن البسكوت طحن مو تكسير
وبعد ما نطحنه بنجيب قالب زبده اصغر حجم وبندوبه على النار وبس يدوب ويبرد بنحطه على البسكوت وبنفركه منيح لحد ماتنخلط الزبد بالبسكوت منيح..وبنجيب صينيه متوسطه الحجم وبنحط البسكوت فيها وبنضغطه بإيدنا منيح مع الضغط بيسير كإنه طبقه وحده متماسكه...
هاي أول طبقه
*********************************
الطبقه التانيه..
14 ملعقه حليب باودر
وب 4 فناجين قهوة سكر
علبتين لبن زبادي الحجم الصغير
وملعقة فانيلا
مقادير الطبقه التانيه بنحطهم بالخلاط لحد ما يتجانسوا..وبنحطهم فوق البسكويت اللي بالصينية..وبندخلها الفرن ربع ساعه فقط..
**********************************
أما الطبقة التالته والاخيره
بنغلي كاستين ماء
وظرف كريم كراميل ((الباودر بدون السكر اللي معه))
وملعقه صغيره نسكافيه اوكاكاو
وبنتركهم على النار لمدة 5 دقايق...وبنرفعهم عن النار وبنحطهم على الطبقه التانيه لكن هون في ملاحظه مهمه كتير
اللي هيه
لما نحط الطبقه الاخيره لازم نحطها ببطء يعني ما تديروها دير بيخرب كل شغلكم
لا لازم بمغرفه وتحطوها شوي شوي
وبعدها بتتركوها شوي بره لحد ما تبرد
وبس تبرد بتحطوها بالتلاجه لحد ما تجمد الطبقه الي من فوق ويعني شي ساعه
وبالعافيه على قلوبكم..
لاتفكروها بتطول بالعكس سريعه وكتير طعمها حلو خصوصا مع القهوه
جربوها وما رح تندموا
