انتو الي طلبتو انزل الموضوع بالحكم ما دخلني انا

طيب يا جمااعه الخير

انا حاب احكي هيك اكمن شغلة ببالي

يا اخوان احنا مو قادرين نفهم الي بصير حوالينا

يا جمااعه لاازم نفهم ان كل تنضيييم فلسطيني هو تم تاسيسو لخدمة القضية الفلسطينية

ولازم نفهم انو هو كتنضيم مو اهم من فلسطين نفسها

يعني لما نيجي كفتح فتح تاسست لخدمة فلسطين

وحماس تاسست لخدمة فلسطين

فاذا بدها تيجي اللحظة الي بدها تكون فتح اهم من فلسطين

طزززززززز بفتح

ولما بدها تكون حماس اهم من فلسطين

طزززز بحماس

يا اخوان فلسطييين هي الاهم

اتركونا من التعصب للفصيل

خلو شعارنا لا فتحاوي ولا حمساوي لا مسلم ولا مسيحي كــــــلنا فلسطين

فلسطين هي الاساس

بكفينا مزاودات على بعضنا

بكفينا مزاودات على المقاومة وتحطيم نصرها الي اعترف فيه كل العالم

لما يطلع واحد طول فترة الحرب ما شفناه وما سمعنا صوتو

قضا الحرب نايم مع مرتو

وبالاخر يطلع يزاود عالمقاومة

المقاومة اكبر واعلى من اي مزاودات

بكفينا نحطم من معنويات الناس

بكفينا نقتل ببعضنا عشان كرسي مو موجود

خلو رايتنا المقاومة

وخلو رايتنا الوحده

والله يا اخواني انا بغربة وبشووف ردة فعل العالم كلو معنا وجميع الجنسيات كمان

لما نكووت متفرقين كل العالم بكونو ضدنا

ولما نكون ايد وحده كلهم بكونو معنا

والله بعد الوحده الي شفناها من المقاومة بغزة ودفاعها الشرس عن غزة

انو صرنا نمشي ونرفع راسنا انا فلسطينية


عكس ايام التفرقة كنا نستحي نحكي انا فلسطينية


وبالاخر انا اقف احترام لكل انساان شريف كل انساان مقاوم

كل انسان يرى فلسطين هي الاساس

كان فتحاوي ولا كان حمساوي

واي انسان خاين بنمسكو وبنرميه بمزبلة التاريخ

فخلونا ايد وحده احسن النا واحسن لخدمة قضيتنا

بصرااحه انا اسف اذا كان الكلام مش منمق ومش مرتب

عشان قاعد عالجهاز والي بيجي ببالي قاعد بكتبو

صحيح حاب احكي بالنسبة لموقف الحكومة المصرية اثناء الحرب

هو بصراااحه كان موقف دولة عدوة

وطبعا لازم ما نتحامل عالمصريين

المصريين شعب مقمووع مغلوب على امرو

يحكمو رجل كذاااب

طبعا الدليل على كذبو يا اخواني

بعد عشر ايام من الحرب على غزة طلع بمؤتمر صحفي

وحكا قدام كل العالم ان المعابر هي ليست ملك لمصر

وانو ما بقدر يفتحها لانو بحكمها اتفاقيات دولية

(( طبعا الاتفاقات الدولية كلها بتنص على فتح كل المعابر في حالات الحرلاب والحالات الانسانية ))

واجا اخيرا باليوم الرابع والعشرين على العدوان الاسرائيلي المصري العربي على غزة

وبالقمة العربية بالكويت اعلن قدام الناس كلها انو ما بنقبل بالمزاودات على مصر وانه اعطى اوامر من اول يوم بفتح المعابر

طبعا لاحضو انو هو ناقض نفسو وكذب نفسو فاسمحولي اناديه بالكذاب

طبعا مواقف الحكومه المصرية كثييرة ولا تحصى

ما بدي احكي على تعذيب الجرحى ومحاولة سحب معلومات عن المقاومة من الجرحى

ما بدنا نحكي عن تهديدهم للجرحى بعلاجهم

ما بدننا نذكر رفضهم ادخال حالات حرجه من الجرحى لعلاجها بالخارج

بنحكي حسبي الله ونعم الوكيل فييه وان شا الله نهايتو مثل السادات رصاصه بنص صباحو

هسا بدي احكي شوي على المواقف العربية

الدول العربية

شو احكي

اذا ما قدرو يتفقو على عقد اجتماع عاجل

1700 شهيد

7000 جريح

وحكومات العرب ما قدرو يتخذو قرار بالاجتمااع

وناقشو قضيتنا على هامش مؤتمر عربي معدلو من سنه سابقه

حسبي الله ونعم الوكيل فيك يا ابو مازن

والله لو عندو ذرة رجووولة الا وقف ببداية المؤتمر

وخطب فييهم

وكانت خطبتو بتنص انه والشعب الفلسطيني يرفض التحدث عن القضية الفلسطينية

لان العدوان كان قد انتهى

المفروض حكالهم ما بدنا تعاطفكم

وما بدنا دموع التماسيح تاعتكم

ولا تحكو بموضوعنا وخلوكم بقمتكم الاقتصاادية

بس هو رايح عشان يلم تبرعات ويغنى على حساب دماء شهداء واطفال غزة

ولا كمااان وصلت فيكم يا عرب انكم تقاطعو بعض الدول الي كان موقفها قوي نوعا ما

لاحظتو انتو كيف كل الدول العربية تحاملت على قطر

عشان كان موقفها قوي نوعا ما

مع انو مش هالموقف المشرف

هسا بدي احكي شوي عن شافيز وموقفو الرجولي العروبي

يا شافيز افرح فقد امتلكت من العروبة والرجووولة ما تكفي لتوزيعها على كل حكام العرب

موقف لافنزويلا كان موقف مشرف

وانا من رايي ان شافيز يستلم جامعة الدول العربية عشان هو عندو رجولة وعروبة اكثر من المستلمينها

واخر شي بوجه رسالتي لاسرائيل

يا اسرائيل

الشعب الجزائري قدم مليون ونص شهيد

وبالاخر اخد استقلالو وطرد المستعمرين من بلدو

الشعب الفيتنامي قدم خمسة مليون من ابنائو وبالاخر حصل على استقلالو

والشعب الفلسطيني على استعداد انو يقدم كل ابنائو وبالاخر راح يجي يوم نحتفل بعيد استقلالنا

ونصلي بالقدس

مهما كانت قوة طياراتك وقوة مدرعاتك قوة ارادتنا اقوى بكثيير

والدليل الي شفتييه بغزة

والدليل اطفال غزة

المستقبل امامنا وراح تواجهي ناس بدورو عالشهادة متل ما بتدورو عالامان

ورسالة اخيرة لقادة المقاومة

انتم الشرفاء

اعدتم لنا كرامتنا

واعدتم لنا هيبتنا امام العالم

امتلكتم من الشرف ما عاد مفقودا لدى كثير من حكام العرب

انتم القادة ونحن الجند

ولكم النصر

وبالاخر كرمالك يا فلسطين تروح الروح


واسف على الاطالة


صحيح قبل ما انسى

طلع اكمن شخص اعلنو ان المقاومة اثناء الحرب كانت تبيع من المعونات الي كانت توصل

وانا عملت بعض اتصالات مع اصدقااء بغزة بالداخل

وتاكدت من الخبر

الي كان يصير يا جمااعه انو في اشياء كان من الصعب توزيعها

وفعلا تم بيعها

بس فلوسها وين راحت ؟؟؟

ما راحت لبيوت قادة حماس وقادة المقاومة

فلوسها اندفعت كاش لعائلات فقدت منازلها بالقصف كي تستطيع استئجار منازل والسكن فيها

والعائلات الي استلمت فلوس مسجل اسمائها وكل شي موثق

فكل واحد بطلع وبحكي يحط بتمو حبة علكة بنكهة ............ ويسكت

وبالنسبة للمساعدات

كل واحد قاعد بحكي انو الشعب الفلسطيني اختلف على المساعدات بنحكيلو اخرس ولا تحكي بشي ما بتعرفو وما بتفهم فييه

الاختلاف بصيير لما يكوون بين جهتين

بس كلنا شفنا مين الي ذابحين حالهم على استلام المعونات

قادة المقاومة كان كلامهم واضح

انهم ما بطلبو استلام المعونات

وكان اقتراحهم بمؤسسات دولية توزع المعونات هي بنفسها بالداخل

او كل دولة مانحه تبعث مندوبين منها

فما في داعي للكلام الزائد

خلص بكفيني حكي لهوون طولت وبدي انام

يالله تحياتي الكم

الله الله الله

اكبر رررررررررررررررررررر


لما حكيت انك مجنون وافكارك مجنونة ما كنت غلطانه


ربي يحميك ويعطيك على قد نيتك

واكيد احنا ضعنا بين شي اسمه حماس وفتح وجبهة

وكل شوي بطلع قرار من كل جهة ومن كل شخص على كيفه

وكل واحد بحكي ومفكر انو هو الصح وانو هو الاساس

وكلهم نسيوا انو ما بدنا غير الاستقلال وما بدنا الا فلسطين

والاقصى

وكلنا فلسطين

ومهما علقت ما راح اغير شي من كلامك

وحسبي الله ونعم الوكيل

على قلوب حكامنا الي قلوبهم صارت حجر وما بهمهم الا المنصب وبس

واكيد الشكر ما بكفي

ربي معك يحميك





:15631:

بشرفي انك ازعر واسد وابن ناس بجد موضوعك روعه وقوي جدا بس يا خساره مين الي رح يسمع هالحكي يمكن نسيت انا بزمن الحقراء والكلاب والخون وقلال الناس الشرفاء مافي منهم كتير
موضوعك في غاية الروعه
وانا بحكي احنا مش فتح ولا حماس ولا جبهة ولا اي حزب اخر
احنا ابناء فلسطين أو بالأحرى جيوش فلسطين ورح يجي مين يوحدنا ويقودنا للنصر
مهما طال الذل والهوان سيأتي يوم نريكي فيه يا اسرائيل ونريكم ايها العرب المتخاذلون ويا امريكا المستكبره من هم ابناء فلسطين ومهما تكبرتم وظلمتم الناس وتجبرتم فيوما ستصبحون تحت رحمتنا
موضوعك رائع يا ابن الوطن بتمنى انشوف المزيد من ابداعاتك

بكفي انو احنا قرانا مو مهم الكل يسمع

اخرتها كلمة الحق تعيش وتنسمع مهما بفي العالم اطرش

يسلمو ورده عالتعقيب وعالرد الجميل

ابو قيس حبيبي مرورك اسعدني وان شا الله نكون ايد وحده كلنا

وانا بجد فخور كتير لإنك معنا يا احلى ابن الوطن

كل الفخر لالي اني تعرفت عليكم

واني متواجد معكم

مشكور عالمرور ابو قيس

واحنا كمان فخورين لإنك معنا يا احلى ابن وطن

الله الله الله
بجد احلا من هالكلام ماااااااااااااافي
والله اتقشعر بدني بس قرئتو وكنت هبكي
بجد انا كنت انجن لما حدا يحكيلي فتح ولا حماس
كنت ارد انا فلسطينيه وفلسطين ملكلنا مو ملك فتح وحماس اذا هيعملو فينا عميلهم
والله نحنا مو قادرين انحل مشاكل بين بعضنا عمرنا ما نحل مشكلتنا مع اسرائيل
وبعدين فتح وحماس شو امفكرين والله اليهود هما هيك بدهم يكون بينا
وهم الي بدهم المشاكل بينهم عشان يسير تسلطهم على الحكم اكتر بايدهم
لأن ساعة ما تكتر المشاكل بينهم هيسير الشعب الفلسطيني يرفض انو واحد منهم يحكمهم بس بيكرهم

واحلا شي عجبني يابن الوطن طبعا الحكي كلو حلو بس عجبتني كلمتك هاي
فاذا بدها تيجي اللحظة الي بدها تكون فتح اهم من فلسطين

طزززززززز بفتح

ولما بدها تكون حماس اهم من فلسطين

طزززز بحماس

يا اخوان فلسطييين هي الاهم
وطززز مو كفاايه والله


حسبي الله ونعم الوكيل باسرائيل وبالفلسطيني الي مابيكون في بالو غير الاحزاب ومو فلسطين نفسها
ماخلونا نتهنى ببلادنا حتى لو شووي عيشين نستنى تقرب يومة القيامه مشان تتحرر ونصلي بالاقصى

اموووووووووووووووت لترابك يافلسطين والله

الله الله كلامك رائع يا دلع
وكله بمحله
بس برضوا الشعب الفلسطيني كله غلط مع احترامي للجميع لإنه بصراحه لمن واحد بده يجاهد ويحكي انا لافتح ولا حماس ولا اي فصيل رح يرجع يكون فصيل جديد وطبعا من دون قصد يعني بكل الحالات رح ينتج حزب جديد
ومافي حل غير انه واحد نت الحزبين يتنازل او الفصيلتين يتنازلوا مشان يتكون جيش اسمه جيش فلسطيني مش فتح وعز الدين وكتائب اقصى ومش عارف شو
مشان هيك انا لهلا ارفض الإنتماء لأي فصيل ولا رح افكر انتمي بس اول عن اخر بدنا نتزكر انه كلنا ولاد شعب واحد ومتل ما اخوي فتح ابن عمي رح يكون حماس والدم مابهون على الإخوه وولاد العم مع انه انا شايف انه هان بس ما بنقدر نحكي غير الله يهديهم جميعا ويتزكروا انوا في الهم دوله محتله وينسوا انهم بدورا على الحكم والكراسي
حسبي الله ونعم الوكيل بس

طيب تحياتنا الكم من اول وجديد

ومشكوورين عالمرور

وعالتعليق

بس عندي تعقيب على كلامكم

هلا احنا مش ضد الحزبية

الحزبية نوع من انواع الديموقراطية وحرية تمثيل الراي

بس احنا ضد التشدد للحزب

احنا ما بدنا نوصل لمرحلة يكون حزبنا احسن من وطنا الي لاجلو اتاسس الحزب

هلا يا ابو قيس احنا بفلسطين بلد تحت الاحتلال

ما بنقدر ناسس جيش رسمي لفلسطين

لانو وقفة اي جيش منضم تنضيم عسكري كلاسيكي اما الة القتل الصهيونية راح بتكوون فاااشله وسيتم تدميرة عن بكرة ابيه

فحل الكتائب وحرب العصابات هو الحل المتاااح
يعني بالاخر احنا مو ضد لا حماس ولا فتح بس ضد التعصب لهالشي

تحياتي الكم وشكرا كتير عالمرور والتعقيب ابو قيس وشكرا يا دلع على مرورك

انا معك اي ابن الوطن
بس برضوا التحرير عمره ما بكون بالأحزاب يعني صح لازم يكون في احزاب بس تحت تنظيم معين مو تحت 5 تنظيمات كل تنظيم بعملي لحاله الف كتيبه ويارت كل تنظيم متفاهم مع التاني لا كل تنظيم بعمل احزاب وبقاتل التنظيم التاني
التحرير ما بكون الا تحت قائد واحد بس هو الي بقود هاي التنظيمات والأحزاب وبحدد ادوارها
وانا مادلني بالسياسه ليني بحالي